संस्थेविषयी

आपल्या यशोमंदिर सहकारी पतपेढीच्या संचालक मंडळाची पंचवार्षिक निवडणूक सन 2020 मध्ये शांततेत पार पडली त्यात निवडून आलेल्या संचालक मंडळामधून दिनांक 17/02/2020 रोजी अध्यक्ष व उपाध्यक्ष पदाची बिनविरोध एकमताने निवड झाली. तद्नंतर मध्यंतरीच्या कालावधीत सर्वांना काम करण्याची संधी मिळावी म्हणून अध्यक्ष व उपाध्यक्ष यांनी आपले पदाचे राजीनामे दिले. सदर राजीनामे रितसर मंजूर झाल्यानंतर संचालक मंडळाची सभा बुधवार दिनांक 12/10/2022 रोजी अध्यासी अधिकारी मा.श्री. शिरीष कुलकर्णी, उपनिबंधक, सहकारी संस्था ‘‘एन’’ वॉर्ड, कोकणभवन, नवी मुंबई यांच्या अध्यक्षतेखाली घेण्यात आली. त्या सभेत सन 2020 ते सन 2025 च्या उर्वरित कालावधीसाठी अध्यक्ष पदावर माझी बिनविरोध एकमताने निवड झाली आणि उपाध्यक्ष पदावर श्री.सुरेश दामू सावंत यांची बिनविरोध एकमताने निवड करण्यात आली. पदाधिकारी निवडीची प्रक्रिया सक्षमपणे हाताळणारे अध्यासी अधिकारी मा.श्री. शिरीष कुलकर्णीसाहेब यांना मी संस्थेच्या वतीने धन्यवाद देतो व सर्व विद्यमान संचालकांना धन्यवाद देवून मी माझे मनोगत आपणापुढे सादर करीत आहे.